Kesyon ki Poze Souvan

Genyen yon kesyon? Tcheke resous nou yo anba pou plis enfòmasyon.

Aplikasyon ak enskripsyon

Kisa k ap pase lè mwen fin aplike?

Lè w fin aplike, pral gen yon peryòd datant pandan n ap verifye elijiblite pitit ou a oswa timoun ou responsab la pou pwogram New Worlds Reading nan. Pou sa, nou itilize dosye edikasyon yo. Pwosesis sa a ka pran plizyè mwa. Ou p ap resevwa liv toutotan verifikasyon an poko fini.

W ap resevwa yon imèl verifikasyon ki ap enfòme w sou sitiyasyon enskripsyon pitit ou a oswa timoun ou responsab la. Apati moman ou resevwa yon imèl ki konfime pitit ou a oswa timoun ou responsab la elijib, l ap kòmanse resevwa liv yo apre 8 semèn. Pandan w ap tann verifikasyon an, itilize aktivite lekti gratis nou yo sou sit entènèt nou an.

Ki enfòmasyon fanmi yo dwe bay lè y ap aplike?

Responsab timoun yo bay:
• Enfòmasyon sou paran/moun ki responsab
• Nimewo telefòn
• Adrès imèl
• Enfòmasyon legal konplè sou elèv yo
• Dat nesans
• Klas
• Distri eskolè, lekòl
• Adrès livrezon
• Enterè pou liv yo
• Preferans pou lang liv la

Poukisa ou mande enfòmasyon konsènan pitit mwen an oswa timoun mwen responsab la lè nou ap aplike?

Nou itilize enfòmasyon sa yo pou nou konpare aplikasyon timoun nan ak dosye edikasyon li, pou verifye si timoun nan elijib pou pwogram nou an. San enfòmasyon sa a, verifikasyon ak livrezon yo ap retade. Antanke yon enstitisyon ki nan yon inivèsite piblik, UF Lastinger Center respekte tout règ ak règleman konsènan sekirite enfòmasyon pèsonèl elèv yo.

Kijan pou ajoute yon lekòl nan fòmilè enskripsyon an?

Si ou swete ajoute yon lekòl piblik oswa yon lekòl charter yon distri patwone nan aplikasyon pwogram nou an, tanpri voye yon imèl bay new.worlds@coe.ufl.edu ak non lekòl ou a ak distri a. N ap ajoute li nan aplikasyon an, lè nou fin verifye distri a.

Kesyon sou pwogram yo

Kijan yon responsab timoun ka chanje enfòmasyon sou aplikasyon yon elèv, tankou adrès li?

Voye yon imèl bay support@newworldsreading.com oswa rele (855) 399-1147. Ekip sipò nou an disponib apati 8 è nan maten jiska 5 è edmi nan apremidi (lè zòn Lès), soti lendi rive vandredi. 8 a.m. ak 5:30 p.m. (EST), Lendi - Vandredi.

Kijan yon responsab timoun ka retire yon elèv?

Kouman yo ap livre liv yo bay elèv yo?

New Worlds Reading Initiative livre liv yo dirèkteman lakay elèv yo pa lapòs.

E si mwen pa ka resevwa liv yo lakay mwen?

Si sikonstans tankou sanzabri, imigrasyon, oswa tranzit mande pou gen yon lòt metòd livrezon, UF Lastinger Center ap travay ak lekòl la ak/oswa distri a pou kreye yon lòt plan. Voye yon imèl bay new.worlds@coe.ufl.edu, epi ekip nou an ap kontan ede w.

Yon fwa yo aksepte aplikasyon mwen an, ki lè m ap kòmanse resevwa liv yo?

Apati moman ou resevwa yon imèl ki konfime ke pitit ou a oswa timoun ou responsab la elijib e ke li byen enskri, premye livrezon liv ou a ka pran plizyè semèn pou l rive. Yon fwa premye livrezon ou an rive, livrezon yo ap kontinye chak mwa jiska mwa jen.

Konbyen fwa y ap livre liv yo?

Yo livre liv yo chak mwa, soti oktòb rive jen.

Konbyen liv elèv yo ap resevwa chak ane?

Elèv ki enskri yo ap resevwa nèf (9) liv pou chak ane lekòl, kèlkeswa mwa yo te konfime elijiblite yo. Donk, kèk elèv ap resevwa livrezon ki gen plis pase yon liv ak resous, pou asire nèf (9) liv yo ap rive pou ane lekòl la.

Nan ki lang liv yo disponib?

Liv yo disponib nan lang anglè, panyòl, kreyòl ayisyen ak bray.

Ki fòma ki disponib pou akonpanye elèv espesyal ki gen difikilte yo?

Nou ap travay avèk dilijans pou fè pwogram sa a pi konplè ke posib. Lòt fòma liv va vin ajoute yon fwa yo disponib, epitou va genyen plan pou kontinye devlope yo.

Kesyon sou seleksyon liv yo

Kijan nou pral detèmine nivo liv ki apwopriye pou elèv yo?

Yo chwazi liv yo an konsiltasyon ak biwo Just Read, Florida! (Annik Li Florid!) nan Depatman Edikasyon Florid la. Yo seleksyone yo selon estanda Florida B.E.S.T. yo (B.E.S.T.: Benchmarks for Excellent Student Thinking [estanda pou evalye nivo ekselans nan rezònman elèv yo]) pou chak nivo klas. Yo chwazi lòt tit pou satisfè bezwen elèv yo dapre nivo lekti yo. Yo chwazi kèk tit tou ki ka pi wo pase nivo lekti timoun yo pou responsab yo ka pataje yo ak timoun yo.

Ki kalite liv ou voye bay fanmi yo?

Yo seleksyone tout liv yo an kolaborasyon ak Depatman Edikasyon Florid la. Nou travay ak patnè nou an, Scholastic, pou bay fanmi yo yon varyete liv ki gen kalite siperyè ki baze sou sant enterè timoun yo, nivo klas yo, ak sou estanda B.E.S.T. yo nan Florid. Timoun yo ka chwazi liv fiksyon ak liv ki pa fiksyon, nan yon gran varyete estil ak sijè, pou motive enterè yo. Ou ka wè lis konplè liv nou yo isit la..

Èske elèv yo ak fanmi yo ap chwazi pwòp liv yo?

Elèv yo ak fanmi yo ap gen opòtinite pou yo chwazi diferan seri liv yo ta renmen resevwa nan yon varyete kategori. Seri liv nou yo reprezante yon varyete sijè, karaktè, anviwònman ak istwa.