Elijiblite

New Worlds Reading ofri sèvis bay lektè nan Florid yo ki ap fè efò e ki elijib, sètadi ki reyini kondisyon pou benefisye pwogram nan.

Pou yo elijib, elèv yo dwe:

nan VPK (pwogram matènèl volontè) nan Florid, epi yo poko fè pwogrè ki apwopriye pou laj yo, dapre FAST STAR early literacy (FAST: Florida Assessment of Student Thinking [evalyasyon rezònman elèv nan Florid])

OSWA

nan klas K – 5èm ane nan yon lekòl piblik oswa yon lekòl charter yon distri esponsorize, nan Eta Florid la, epi yo poko kapab li nan nivo klas yo.

Kisa sa vle di pou w poko kapab li nan nivo klas la?

Pou elèv ki nan VPK yo: sa vle di fè nòt pi piti pase 40èm pèsantil nan FAST Star Early Literacy / Lekti.
Pou elèv ki nan klas K – 2: fè nòt pi ba pase 40èm pèsantil nan FAST Star Early Literacy / Lekti, oswa k ap benefisye Sipò Entèvansyon Lekti nivo 2 oswa nivo 3 (jan distri yo rapòte nan Sondaj 2 ak Sondaj 3).
Elèv ki nan klas 3èm – 5èm ane: nòt ki pi ba pase nivo 3 nan evalyasyon FAST la, oswa k ap resevwa Sipò Entèvansyon Lekti nivo 2 oswa nivo 3 (jan distri yo rapòte nan Sondaj 2 ak Sondaj 3).

Pwosesis verifikasyon elijiblite

Pwosesis sa a ka pran jiska plizyè mwa. Mèsi pou pasyans ou!

Lè ou fin soumèt yon aplikasyon, ekip nou an ap konpare li ak dosye edikasyon ptiti ou a oswa timoun ou responsab la, pou verifye elijiblite li. Pwosesis sa a ka pran jiska plizyè mwa.

Elèv VPK/Jadendanfan san done tès disponib.

Si w se yon responsab yon elèv VPK oswa kindègadenn, e si li poko gen done tès ki disponib, ou ka aplike bonè! Ap jis gen yon peryòd datant jiskaske nou resevwa done eskolè yo.

Evite enskripsyon nan reta ak enfòmasyon kòrèk

Pou evite reta nan enskripsyon, aplikasyon yo ta dwe mansyone tout non legal yon elèv (pa dwe gen ni ti non jwèt ni abrevyasyon) dat nesans elèv la, nivo klas li, distri a ak lekòl la.

Pa kapab konfime kalifikasyon malgre satisfè kritè yo

Si w resevwa yon imèl ki di ke nou pa ka konfime elijiblite pitit ou a oswa timoun ou responsab la ankò, men ke timoun nan satisfè tout kritè elijiblite ki nesesè yo, li posib ke nou gen yon reta nan resevwa done li yo. Tanpri, pa voye okenn dosye pou nou! Akòz kondisyon konfidansyalite elèv yo, nou ka resevwa sèlman dosye elèv yo nan men Eta a.

Ap tann pou kalifikasyon elèv la konfime

Pandan w ap tann pou yo verifye elijiblite pitit ou a oswa timoun ou responsab la, ou ka konsilte resous gratis nou yo pou tout fanmi yo la a. Si nou konfime ke pitit ou a oswa timoun ou responsab la elijib, w ap toujou resevwa tout 9 liv ak aktivite yo pou ane sa a!

Yon fwa w enskri, ou rete enskri jiska klas senkyèm ane!

Ou p ap janm bezwen aplike ankò.

Yon fwa yon elèv ki elijib enskri, li rete enskri jiska klas senkyèm ane, menm si nòt lekti l amelyore! Ou pa bezwen aplike chak ane.

Anplis, nou gen bon nouvèl si w aplike pou yon timoun ki pa elijib. Si yo vin elijib nenpòt ki lè anvan yo gradye nan fen klas senkyèm ane an, y ap fè w konnen epi l ap kòmanse resevwa liv otomatikman!

Y ap retire fanmi yo nan pwogram nan si yo demenaje kite Eta Florid la. Epitou, responsab timoun yo ka chwazi retire yon timoun nan pwogram nan. Pou sa, y ap sèlman gen pou yo voye yon imèl bay: support@newworldsreading.com.

Èske ou pare pou ou enskri nan pwogram nan?

Enskri chak timoun ki kalifye pou kòmanse resevwa liv lakay ou!

APLIKE